Biologia-Geologia irteera Arantzazura

Urriaren 22an eta azaroaren 5ean 4 DBH-ko ikasleak modelatu karstikoa aztertzeko irteera egin genuen.

     Goizeko bederatzietan Oinatira ailegatu ginen eta Natur Eskolan karst inguruko diaporama bat ikusi genuen. Hamarretakoa egin ondoren, Arantzazura autobusez abiatu ginen eta orduan hasi ginen ibilaldia. Ibaira jaitsi eta lurpeko uren sorgune izugarriak ikusi genituen.

Eguraldi euritsua zela eta, urriaren 22an ezin izan genuen kobazulora sartu, baina abenduko 5ean Harrikrutz kobazuloa bisitatu genuen eta barnetik doan ibaia ikusi genuen eta urarekin batera sartutako apo batzuk kanpora atera genituen.

 Irteera hau gure inguruko kareharrizko mendien egiturak hobeto ezagutzeko oso baliagarria izan da.

Argazki hauek Eneko Marcosek ateratakoak dira.

ZUMAIAko FLYSCH-a

Martxoaren 9an 1. batxilergoko Biologia-Geologiako ikasle eta irakasleek irteera egin genuen Zumaiako fllysch-a ikusi eta marea arteko zabalgunearen ezaugarri garrantzitsuenak ezagutzera.

Bertako harrien historia ezagutu eta dinosauroak desagerrarazi zituen meteoritoren hautsak utzitako geruza ikusi genuen.

Bestalde, marea biziak zirenez eta itsas behera zegoenean izan ginenez,   marea arteko zabalgune handia agerian zegoen. Horri esker, marea arteko bizidun asko ikusi eta identifikatzeko aukera izan genuen, hala nola, itsas-izarrak, aktiniak, anemonak, ofiurak, holoturiak, karramarroak…

Irteera oso interesgarria izan zen eta ikasleen jakin mina pizteko eta ikasgelan ikasitakoa ikusteko balio izan zuen.

Eguraldia ere primerakoa egin zuenez, egun polita pasa genuen.

ZUHAITZ EGUNA BEASAINGO INSTITUTUAN

Martxoak 2 an zuhaitz eguna ospatu genuen.

Txindoki egoitzako Ingurumen batzordeko ikasle eta 1. mailako biologiakoek eta Loinazpeko 3.DBHko ikasle batzuk zuhaitzak landatu zituzten bertako berdeguneetan.

Bestalde ikastetxeko diagnostikoan agindutakoa betez, egun hori aprobetxatu genuen eta kartelak jarri genizkien zuhaitz esanguratsuenei beraien izenak adieraziz.

Azterkosta

Martxoaren 6tik 13ra Ingurumen Sailak antolatutako erakusketa ikusgai egongo da Txindoki egoitzako Liburutegian eta egoitza nagusiko sarreran. Honen bidez kostaldeari lotutako ekosistemen ezagupena bultzatu nahi da.

Irakasleek euren ikasleekin joateko aukera izango dute eta atsedenaldietan ere irekita egongo da joan nahi duenarentzat.

BIOANIZTASUNAREN GAINEKO HITZALDIA TXINDOKIN

Abenduaren 23an “Goierriko biodibertsitatea nola hobetu” hitzaldia izan  genuen Areto Nagusian. Hizlaria Mikel Olano basozaina eta Aranzadiko kidea izan zen.

Hitzaldian Goierri inguruko habitat ezberdinak, horien arriskuak eta hauetako biodibertsitatea hobetzeko zer neurri hartu behar diren aipatu zituen.

Bestalde inguru hauetan dauden bizidunen argazkiak erakutsi zizkigun eta zenbait hegaztiren soinuak entzuteko aukera izan genuen.

Oso interesgarria izan zen eta uste dugu natura zaletasuna pizteko balio izan duela.

Zuhaitz eguna

Martxoak 4ean zuhaitz eguna zela eta , Txindoki egoitzan URKIA aldatu genuen bertako berdegunean.

Urkiaren ezaugarriak ikusi

BIOLOGIA Olinpiadako garailea: Laura FERNANDEZ JUBIN

Euskal Herriko Unibertsitateak BIOLOGIA Olinpiadaren Euskal Herriko fasea antolatu du. Olinpiadaren garaile Laura FERNÁNDEZ JUBÍN ikasle beasaindarra izan da, BEASAIN BHIkoa. Hurrengo urratsa Estatu mailako olinpiada izango da, apirilaren lehen egunetan Granadan.
Biologiako olinpiadaren helburua da batxilerreko ikasleak zientzia horren garapenerako estimulatzea eta inplikatzea, baita gaur egungo munduan duen garrantzia azpimarratzea ere, zientziaren aurrerakuntza eta hedapena sustatzeko. Hain zuzen ere, egungo eta etorkizuneko erronka zientifikoei ezingo zaie arrakastarekin aurre egin ikasleen generazio berriek ez badute trebakuntza biologiko garrantzitsurik izaten. Ezinbestekoa da trebakuntzan Biologiako ikasketa eta ikerketa zaletasuna sustatzea.

 Elkarrizketa