Latineko ikasleen irteera Donostiako Epaitegira

2011ko urriaren 17an latineko klasekoak Justizia Jauregira bidaia egin genuen.

Goizean goiz abiatu ginen Donostiara trenez. 9:30ak aldera auzitegira iritsi ginen eta bertan neska batek , hau da, bertako langile batek, ordubeteko hitzaldi batean  justiziaren hainbat arloz jorratu, epaiketa bateko lagunen sailkapena egin eta justizia jauregiaren antolaketa azaldu zizkigun.

Ondoren, epaiketa batzuk ikustera joan ginen lapurretak, errespetu faltak eta antzeko gaiekin loturikoak izan zirenak.

Jarraian, kalabozoak eta mediku forenseen departamentua ikustera joan behar ginen, baina tamalez, ezin izan genituen bisitatu obrak zirela eta.

Azkenik, interesgarria izan zen bisitaren ondoren Beasainera bueltatu ginen.

Beasain Institutuko ekintzak prentsan: Elkartrukea

Kultur trukea harreman sare bihurtuz

2011/10/12

Gizartea, Kultura

Nork Beasaingo Hitza

Beste herrialde bateko kultura ezagutuz, harreman sarea zabaltzea da helburua, eta bide batez, ikasleen ingeles maila hobetzen saiatzea. Helburua betetzeko, beste eskola batzuekin trukea egiten ari dira hamargarren urtez Beasain Institutu Publikoko ikasleek. Aurten, Herbeeretako Groningen hiriko Zernike institutuko ikasleak etorri dira Beasainera.

Igandean iritsi ziren, eta astea Beasaingo eta inguruko herrietako ikasleen etxeetan igarotzen ari dira. Ostiralera arte, hainbat ekintza eta irteera antolatu dituzte, eta horien guztien bidez, bi herrialdeetako kultura, bizimodua eta historia ezagutuko dituzte.

Zernike institutuko Aaltine Steehouwer irakasleak azaldu dunez, 15 eta 16 urteko ikasleak etorri dira Beasainera, eta trukea «behin biziko duten esperientzia» dela esan du: «Ikasle bakoitzaren garapen pertsonalean izugarrizko eragina izaten du, etxetik kanpoko beste bizipen batzuk izaten dituztelako, eta hori oso baliagarria egiten zaie etorkizunean».

Euskara eta herberearraren arteko ezberdintasunak ez dira traba izaten, ikasleek ingelesez komunikatu behar izaten baitute elkarrekin. Beasain institutuko Ana Albisuk emandako azalpenen arabera, trukeak ikasleen ingeles maila hobetzeko ere balio du: «Ekintzak elkarrekin egin behar dituzte, eta elkar ulertzeko ingelesa erabiltzen dute. Hala, ahozkotasun maila hobetzen dute eta solteago aritzen ikasten dute».

Trukea apirilean izango da

Trukearen bigarren zatia apirilean izango da, Beasaingo ikasleak Herbeeretara joaten direnean. Hamalau herrialdetako 600 ikasle ingnuru elkartuko dira orduan Zernike institutuan. Ordura arte, aste honetan Goierrin eta Euskal Herrian ezagututakoa ikasle gazteagoei trasmitituko diete herberearrek haien ikastetxean, eta Beasaingoek Herbeerak ezagutzen jarraituko dute. Gaur Bilbora joango dira, atzo Donostian izan ziren, eta herenegun Lizarraustira irteera egin zuten. Astelehenean Seguran zehar bixita egin zuten. Ataunera joan aurretik, bi kulturak ezagutzeko mintegia egin zuten ikastetxean.

Bihar agurtuko dira ikasleak apirilera arte.Orduan Herbeeretan zer egingo duten aurreratu du Steehouwerrek: «Groningen hiria ezagutzeaz gain, Amsterdamera joango gara, eta beste eskualde batean itsasontzian ere ibiliko dira ikasleak».

Carolyn Corrie, irakasle bisitariari egindako elkarrizketa

Hello everybody! My name is Carolyn Corrie and I am the new English teacher from the United States. I will be working here at Instituto Txindoki until June, 2012, as part of a new program sponsored by the Spanish Ministry of Education called “North American Visiting Professors in Spain.” There are sixty teachers from all over the U.S. and Canada who have been placed in all the regions of Spain. I am the only one in Guipuzkoa province. I know that your school must be a special place to be chosen for the program and I feel very lucky to have been placed here.

 If you want to know more about me you can go to this website http://instructional1.calstatela.edu/lkamhis/tesl565_sp11/corrie_walker/index.htm and click on “About the Builders: Carolyn.” I created this website for a class I took in graduate school on “Using Computers in the Language Classroom.” I have an undergraduate degree in History and Latin American Studies, a law degree and a master’s degree in TESOL (Teaching English to Speakers of Other Languages). I have been teaching English to adult immigrants in Los Angeles for the past ten years. Most of my students are from Mexico and Central America, while a few are from Asia and Africa. I usually teach the beginning level students. It’s very exciting for me to be able to teach students with an advanced level of English here at Instituto Txindoki.

For a long time, I have wanted to live and work abroad. Although I have traveled a lot in Latin America, and lived for four months in Costa Rica as a univeristy student, I have only been to Europe for brief visits and have never been to the Basque Country. This is a wonderful opportunity to learn about your history, culture, language, and educational system, a knowledge which I can share with my friends and colleagues when I return to the United States.

My husband Robert and daughter Lucy are here with me this year. We live in Donosti-San Sebastian and I take the train to Beasain everyday.

Please come talk to me. I am happy to try to answer any questions you have about me or the United States.

Europako mugikortasunaren astea: irailaren 16tik 22ra

Aurten ere Europako Mugikortasun Astea egingo da, goiburu hau hartuta: Mugi zaitez eraginkortasunez: hobetu zure mugikortasuna!. Aurtengoan, herritarrei gonbita egiten zaie, ibilgailu pribatuaren ordez, beste garraiobide sostengagarri eta eraginkorrago batzuk erabil ditzaten. Horregatik, aste horretan Europako hiri guztiek hainbat jarduera egingo dute, ondorengo hau gogoan izan dezagun: hiri barruko joan etorriak egiteko, garraio publikoa edo txirrindua erabiltzen baditugu, edo besterik gabe oinez egiten baditugu, oso nabarmen lagunduko dugula airearen kalitatea hobetzen, hotsa eta CO2 isuriak murrizten, eta hiri ingurunea osasuntsuago, seguruago eta atseginago egiten.

Beasain Institutuak ere  bat  egiten du aste honetako helburuekin eta animatzen ditu bertako ikasle, irakasle, irakasle ez diren langileak eta gurasoak aholku horiek betetzera.

Beasaingo film laburren lehiaketan Loinazpekoak irabazle

Beasaingo Film Laburren Lehiaketako sari banaketaren aitzakian, txiki geratu zen Bideluze plaza ostiral gauean. Plaza gainezka zela egin zuten sari banaketa. Gazteen mailan Loinazpeko ikasleek egindako lanak izan ziren epaimahikoen gustukoenak, lehen hiru sariak beraiek eskuratu baitzituzten Mundua kolore, Oroitzapen Nahasiak eta Allau al da apopiloa lanekin.  Ikusleei, La Salle ikastetxeko ikasleek egindako A zer parea lana gustatu zitzaien gehien, eta haiek jaso zuten ikusleen saria.

Helduen mailan Eneko Botanak jaso zuen sari nagusia, La puisansee d’temps lanarekin. Bigarren saria Leire Villarentzat izan zen, Ikusi-makusi pelikularengatik, eta hirugarrena eta ikusleen saria Alex Silvarentzat, Eta amama? lanarengatik.

Hurrengo urtean berriz

Antolatzaileek azaldu dutenez, «arrakasta handia» izan du lehiaketak aurten, eta babesleak ere oso gustura geratu dira: «Ez dugu zehatz kontatu, baina, 400 ikusle inguru elkartuko ziren sari banaketa ikustera». Hala, hurrengo urtean ere lehiaketa antolatzeko asmoa dutela aurreratu dute.
Momentuz, aurten lehiaketara aurkeztu dituzten hainbat lan, lehiaketako  webgunean jarriko dituzte ikusgai, jendeak ideiak hartu eta hurrengo urterako pelikulak prestatzen hasteko.

Ikus HITZAKO artikulu osoa

BEASAINGO FILM LABURREN LEHIAKETAN SARITUTAKO BIDEOAK

LEHEN SARIA


 BIGARREN SARIA


 HIRUGARREN SARIA


 SARITU GABEA


 SARITU GABEA

Biologia Olinpiadetan 1. saria Laura Fernandezentzat

Aurreko ostiralean, UPV/EHUren Abandoibarrako (Bilbo) Mitxelena auditorioan, Biologia, Fisika, Geologia, Matematika eta Kimikako 2011ko Euskal Olinpiadetan parte hartu dutenei esker ona emateko ekitaldia izango zen, UPV/EHUko Zientzia eta Teknologia Fakultateak antolatuta. Aurten, hiru lurraldeetako Batxilergoko hamasei ikasle izan dira urtero antolatzen diren zientzia olinpiada autonomikoetako garaileak.

Olinpiada hauen helburua egungo mundu teknologikoan hain garrantzitsuak diren arlo horietan gazteek jasotzen duten prestakuntza zientifikoa eta horiekiko duten interesa sustatzea da. Biologia, Fisika, Geologia, Matematika eta Kimikako 2011ko Euskal Olinpiadetan 68 euskal ikastetxetako 191 ikaslek parte hartu dute.

Garaileei sariak banatzeaz gain, Zientzia eta Teknologia Fakultateak esker diplomak emango zizkien probetan parte hartu duten ia 200 ikasleei, baita beren prestatzaileei eta esku hartu duten 68 euskal ikastetxeei ere.

GARAILEEN ZERRENDA

 Biologiako Olinpiadak

1-      Laura Fernández Jubín – Beasain BHI (Beasain)
2-    Alvaro López Janeiro – St. Patrick’s English School (Donostia)
3-      Lara Lombardero Gutiérrez – La Salle ikastetxea (Bilbo)

Ibaialde aldizkaria jaio da

A-21 proiektuaren barruan gure ikasleek hainbat ekintzetan parte hartu dute, horietako bat izanik Oria ibaiaren azterketa. Kurtsoan zehar ikerketa eta neurketa desberdinak egin dituzte eta orain iritsi da garaia haien ekintzen berri emateko eta horretarako aldizkari bat prestatu dute: Ibaialde. Aldizkari hau eskuragarri izango da gure web orritik.

Ikerketa hauek ibaiaren egoeraren berri emango digute eta horregatik pentsatzen dugu jendearen sentsibilitatea pizteko ingurumen gaien inguruan erabilgarria izan daitekeela. 


Aldizkaria ikusteko: Ibaialde .

Batxilergoko Aparteko Sariak

Ekainaren 6an Lakuan egoteko aukera izan genuen. Sarien banaketak beti dira atseginak baina kasu honetan gehiago gure ikasle ohi batek, Jone Beldarrain-ek, bere saria jaso zuelako.

Sari hauek urtero banatzen dira eta horretarako ikasleek izan behar dute gutxienez 8.75eko bataz besteko nota haien espedientean. Nahi dutenek aukera dute sari hauetan aurkezteko eta azterketa bat egiten dute (hizkuntzak eta haien aukerako bi ikasgai). Hamabost onenek diploma eta saria eskuratzen dute.

Hemendik Jone berriro zoriondu nahi dugu eta, bide batez, aprobetxatu nahi dugu ere aurtengo ikasleak animatzeko lehiaketa honetan parte hartzeko.

Matematika Olinpiadetan 3.saria

Matematika Olinpiadetan 3. saria  lortu du Loinazpe egoitzako  DBH2ko Maialen Goñik. Hau dela eta, udan Inglaterran ingelesa ikasteko ikastaroa irabazi sari modura. Zorionak!!!

Coca-cola literatur lehiaketan saridunak

Ikasturte honetan ere Beasain Institutuko Loinazpe egoitzako 3 ikaslek lortu dute  Coca- Cola  lehiaketan  saria. Ikasleak, Aritz Murua,  Iraia Insausti eta Iratxe Irigoien izan dira, seigarren, bostgarren eta laugarren sariak lortu dituztelarik hurrenez hurren.

Sariak jasotzen Bilboko Euskalduna Jauregian izan ginen.

Ohorezko matrikulak 2010 banatu dira

Ekainaren 1ean ikasturte honetan espediente hoberena izan duten ikasleei ohorezko matrikulak banatu zitzaizkien. Aurten bederatzi emateko aukera izan dugu. Bederatzi, besterik ez, kandidatu ugari zegoelako: aipamen hau ematen zaie kurtsoko batez besteko nota bederatzi edo gehiago izan dutenei. Ikasle asko zegoen baldintza hauetan baina zoritxarrez kopuru mugatu bat dago emateko (matrikulaturiko ikasleen arabera) eta erabakitzeko aurreko urteko notak hartu behar izan dugu kontutan eta, azkenekoen kasuan, zozketen bidez erabaki dira, denak egoera berdinean zeudelako. Hemendik gure zorionik beroena guztiei, bai eskuratu dutenei baina baita lehia horretan sartuta egon diren guztiei.

Gure antzerki taldearen arrakasta

Bagenekien Beasain institutuko taldeko partaideek haien energia guztia jartzen dutela egiten dituzten gauzetan, baina aurten izandako arrakasta espero genuena baino askoz handiagoa izan da.

Maiatzaren erdi aldean jakin genuen Coca Cola enpresak antolaturiko Buero Vallejo antzerki lehiaketan EAEko saria irabazi zutela. Honek ematen zien aukera estatu mailan egiten den lehiaketan parte hartzeko. Hau egiteko haien obra Bodas de Sangre berriz antzeztu behar zuten grabatuak izateko era profesional batean. Honen justifikazioa erraza da: era honetan lehiaketa nazionalean parte hartuko duten antzerki talde guztien lana baldintza berdinetan grabatzen da.

Hilearen bukaeran egin behar zuten haien antzezlana berriro. Nerbioak lehenengo egunean baino agian gehiago ziren: azterketen garaian ez zen denbora gehiegi izan gauzak errepasatzeko baina era guztietan ez zuten haien animoa galdu.

Emanaldi horren amaieran Coca Cola-ko ordezkari batek sariak eman zizkien erkidego autonomoko garaileak bezalaxe. Gainera taldeko ikasle batek, Elena Zubiriak, aipamen berezia izan zuen bere interpretazioagatik.

Eta horrela daude gauzak momentuz. Espero dugu laster beste artikulu bat idatzi behar izatea haien arrakasta berriaren berri emateko.

Argazkiak

Slide aurkezpena

Elkartrukeko esperientzia

Maiatzeko lehen egunetan gure ikastetxeko talde eder bat, 4.DBH eta Batxilergo 1-eko ikaslez osatua Herbeheretara abiatu zen. Gure aurtengo elkartrukeko buelta zen hau, ikasle holandesak gure artean Urrian egon zirelako.

48 ikasle eta 3 irakasleen espedizio hau Maiatzaren 7an abiatu zen autobusez, Groningenera hurrengo egunean iristeko. Han zeuden familia holandesak haien seme-alaben lagunen zait. Bidaia nekagarria izan bazen ere, ikasleengan nerbioak nabaritzen ziren esperientzia berri horren aurrean.

Elkartruke honetako gauza bitxiena da Europako 11 ikastetxe hartu zutela parte, haien artean izanik Suedia, Eslovakia, Polonia, Alemania, Frantzia, Italiako partaideak. Hauetaz gain Bartzelonako talde batekin elkartu ginen ere.

Astelehenean Zernike College horretan hasiera eman zioten aste kulturalari. Hasteko, bertako zuzendariak ikasleak agurtu zituen eta herrialde guztietako banderak haien mastetan jarri ziren. Ondoren ikasleak klase desberdinetara joan ziren bertako kulturaz jabetzeko. Goiza erdian ikastetxeko kantinan bazkaldu zuten eta arratsaldean boleibol lehiaketa bat egon zen, elkartrukean parte hartzen zuten ikasle guztiekin. Taldeak nazionalitate desberdineko ikasleak osatuak zeuden.

Hurrengo egunean, asteartean, Amsterdanera abiatu ginen autobusez. Bidean geldiune bat egin genuen ingeniaritzako obra harrigarria den dike handian. Bertan derrigorrezko argazkian atera ondoren, gure bidea jarraitu genuen. Amsterdam hiriak gure ikasleak liluratu zituen bere bizitasunarekin eta bertatik bisita gidatu bat egin genuen, talde desberdinetan banaturik. Ondoren ikasleek denbora libre izan zuten haien erosketak egiteko eta hiriko giroaz betetzeko. Hori egin ondoren eta milaka pakete eta istorioaz beteta autobusetan sartu ziren Groningenera itzultzeko.

Hurrengo eguna lan eguna zen: institutuan seminarioak antolatzen ziren. Gure ikasleek, haien lagun holandesekin gazteagoaz diren beste ikasleei haien kulturaren berri eman zieten: dantza, musika, hizkuntza, sukaldaritza, kirola eta kulturako tailerrak egon ziren. Oso gauza praktikoak egin ziren eta horrela, arduradunen azalpenak eta adibidea ikusi ondoren batzuk galdetegiak erantzun, dantza egin, abestu, pintxo bat prestatu edo taloa bat egin zuten. Honekin amaitutzat eman zen eguna.

Ostegunean beste irteera bat izan genuen, Giethoorn hiria ezagutzeko. Iparraldeko Venezia izenez ezagutzen da eta ez da harritzekoa, bertan errepiderik ez dagolako: txalupaz edo oinez ibili behar da, besterik ez. Hango esperientzia ederra izan zen ere, ikasleak txalupetan ibili zirelako, arraunketan, gondoleroak bezala, trebezia gehiago edo gutxiagorekin baina umore onez. Gainera eguraldi lagun izan genuen eta horrek lagundu zuen ere. Handik bueltatzerakoan denok joan ziren korrika gauean diskoteka batean agurtzeko ekitaldia zutelako.

Hurrengo egunean, goiz erdian, institutuan elkartu ginen hamaiketako bat egiteko hango lagunekin. Horrez gero bakarrik geratzen zen agurra egiteko garaia: argazkiak, besarkadak eta malkoak ikusi genituen eta azkenik, autobusean sartuak, etxerako bidea hartu genuen. Bidaia nahiko eroso izan genuen eta larunbateko lehen orduan Beasainera iritsi ginen.

Esperientzia polita izan dela uste dugu eta espero dugu baita harreman honek etorkizunerako loturak irekitzea eta, noski, ikastetxean datozen urteetan saiatuko gara berriro ekintza hau antolatzen. Holandesek gurekin jarraitu nahi dute eta guretzat era gure ikasleei eskaintza eder bat egiteko aukera iruditzen zaigu. Laster hasiko gara 2011-12 ikasturterako prestaketak egiten!

 Slide aurkezpena

Batxilergo Artistikoa: Erakusketa

Arte munduan bide eta esperientzia berriak irekitzen ari diren garaian, Beasain Institutuko ikasleek euren sorkuntza lanak jarri dituzte ikusgai. Erakusketak lehen eskutik eta zuzenean, arte plastikoen alorrean landutako lanak ezagutzeko gunea eskeiniko digu.

Erakusketa hau ikasleek euren proposamenak ezagutzera emateko modua da eta bide batez, urte osoko lana eta esperientziak islatu nahi dira. Erakusketa anitza da, lanak ikasleen izaera bereziaren ondorio dira. Lehenengo eta bigarren ikasturtetan dauden gazteak dira , adore eta naturaltasun handikoak; teknika ezberdinak landu dituzte: Pintura, Diseinua, ATGP, Argazkilaritza, Bolumena, Marrazketa Artistikoa…

EA21 Herriko diagnostikoa

Bioaniztasuna gaiaren inguruan ikasleek hainbat ekintza burutu dituzte eta horietatik ateratako ondorioetatik, konpromiso batzuk hartu eta proposamen batzuk egiten dizkiote udalari. Hauen bateratzea eskolarteko foroan  Beasaingo beste ikastetxetako ikasleekin egin zuten , martxoak 29an eta Apirilak 12an Udal audientzian azalduko dizkiote, alkateari eta harren bidez udalari.

Aurtengo konpromisoak hurrengoak dira:

• Errekara zaborrak ez botatzea
• Landaretza eta fauna errespetatzea
• Espazio garbiak mantentzeko baliabideak erabiltzea
• Hiri-altzariak errespetatzea

Udalari zuzenduriko proposamenak dira:

• Erreka eta honen ingurua garbitu
• Ez sartu bertakoak ez diren espezieak
• Berdeguneak garbiagoak izateko beharrezkoak diren tresnak eta ekipamendua jartzea
• Bioaniztazunaren garrantzia baloratzea, horretarako kanpainak egiten.

Argazki gehiago ikusteko:

Erreka

Ezkierdi

Sagastiguti

Zuhaitz eguna

Martxoak 4ean zuhaitz eguna zela eta , Txindoki egoitzan URKIA aldatu genuen bertako berdegunean.

Urkiaren ezaugarriak ikusi

Tuteran izan ziren Loinazpeko 3. eta 4. DBHko Erlijioen Hª eta kultura ikasgaiko ikasleak

Loinazpeko 3. eta 4. DBHko Erlijioen Hª eta kultura ikasgaiko ikasleek Tuterara joan ziren martxoaren 24an. Helburua Erdi Aroan erlijio kristauaren, musulmanaren eta judutarraren elkarbizitzak utzitako aztarnak ikustea zen. Han katedrala, katedraleko klaustroa eta bertan dauden aztarna arabiarrak eta sinagoga, bisitatzeko aukera izan zuten.

Los alumnos/as de3º y 4º de la E.S.O. de Loinazpe de la asignatura Hª y cultura de las religiones han participado en una salida a Tudela el día 24 de marzo. El objetivo era observar los restos dejados por la convivencia de las religiones cristiana, musulmana y judía durante la Edad Media. Allí tuvieron la oportunidad de visitar la catedral, el claustro de la catedral, los restos de la mezquita y la sinagoga. 

IKUS ARGAZKIAK

Antzerkia

Institutuko ikasleek, urtero bezala, aurten ere Antzerki obra bat antzeztuko dute. Aurten aukeratutako obra Federico Garcia Lorcaren “Bodas de Sangre” da.

Kurtso hasieratik entsegua saioak egiten pasatu ondoren iritsi da garaia publikoan aurkezteko. Lehenengo emanaldia Martxoaren 31n izango da, 4. DBH-ko ikasleentzat. Emanaldi hau goizeko 10:30tan izango da, Usurbe antzokian. Batxilergoko 1.go mailako ikasleek aukera izango dute obra hau ikusteko Apirilaren 1ean 11:30etan.

Azkenik, publiko orokorrarentzat beste emanaldi bat egongo da, Apirilaren 1ean ere, arratsaldeko 19:00etan.

Anima zaitezte!

Hemen duzue gure esku-programa, Batxilergo Artistikoko ikasle batzuk egina: